Ճագարաբուծություն Ստեփանակերտ քաղաքում

ID 24

Ծրագրի նախաձեռնողն է Բադասյանների ընտանիքը, ովքեր մինչ պատերազմը ապրում էին Մարտունու շրջանի Թաղավարդ գյուղում և զբաղվում գյուղատնտեսությամբ։ Նրանց որդին՝ Արմանը, հմտացած էր ճագարաբուծության գործում։ Նա իրացումն ապահովում էր տեղական շուկայում և ուներ մոտ 100 գլուխ ճագար։ 

Պատերազմի հետևանքով բնակավայրն ու հետևաբար նաև բիզնեսը կորցնելուց հետո այժմ Արմանն ընտանիքի հետ ապրում է Ստեփանակերտում և ցանկություն ունի շարունակել իր գործը՝ ապացուցելով, որ արցախցու ոգին անկոտրուն է, և արցախցին շարունակելու է ապրել ու արարել իր հայրենի հողում։

Որպես փորձառու ճագարաբույծ, ով արդեն 4 տարի զբաղվում է ճագարաբուծությամբ՝ մեր ծրագրի հերոսն ունի անհրաժեշտ գիտելիքներ և հմտություններ  ոլորտը զարգացնելու համար։

Որպես ցեղատեսակ ընտրվել են ռիզեն և կալիֆոռնիական սորտերը, որոնք համաշխարհային ճագարաբուծության մեջ լավագույն մսատու ցեղատեսակներից են։ Այս տեսակի ճագարները արագ հարմարվում են միջավայրի պայմաններին, ունեն բարձր իմունիտետ, արագ բազմանալու ունակություն և կարճ ժամկետում (3-4 ամիս) տալիս են կենդանի քաշի 60-65%-ի չափով միս՝ 1,8-2,4կգ։

Ծրագրի հիմնական նպատակն է խթանել տեղական արտադրանքի ներմուծումը շուկա, և ճագարի միսը, որպես ամենադիետիկ և առողջարար մսատեսակներից, մտցնել մարդկանց առօրյա ուտեստի մեջ։

Ծրագրի իրականացման համար անհրաժեշտ գումարն իր մեջ ներառում է հետևյալ ծախսերը՝

Անվանում

Քանակ

Գին/դրամ

Գումար/դրամ

1

Ճագար

10

10 000

100 000

2

Ճագարաբուն

2

100 000

200 000

3

Կեր /կգ/

610

270

164 700

4

Այլ ծախսեր

---

---

35 000

 

Ընդամենը

   

499 700

Մանրամասն տեղեկությունների համար կարող եք կապ հաստատել Հիմնադրամի հետ։

100.6%

Անհրաժեշտ գումար

499700 Դրամ

Հավաքագրված գումար

502500 Դրամ

Նյութական Աջակցություն

______________

______________

______________

Շնորհակալություն ենք հայտնում տվյալ ծրագրին աջակցելու համար: Ծրագրի իրագործման վերաբերյալ թարմացումները շուտով հասանելի կլինեն Մոնիթորինգ և Հաշվետվություն բաժիններում: