Ծրագրեր

ID 50

Աջակցություն Ճարտարի արվեստի դպրոցին

44-օրյա պատերազմն անդառնալի հետք թողեց յուրաքանչյուր արցախցու կյանքում, և չնայած բոլոր դժվարություններին ու մարտահրավերներին, մենք ունեցանք կամքի ուժ ապրելու հայրենի հողում։ Դարեր ի վեր մեր երկիրը հայտնի է եղել նշանավոր հրամանատարներով, գրողներով, երաժիշտներով, արհեստավորներով, ստեղծագործական տարբեր մասնագիտությունների ներկայացուցիչներով, ում շնորհիվ մենք ունենք հսկայական մշակութային ժառանգություն։ Քաղաքներում և գյուղերում գործում են երաժշտական ​​դպրոցներ, արվեստի տներ, մարզամշակութային համալիրներ, որոնց նպատակն է մեր մշակութային ժառանգության պահպանումը, քանզի ազգը ճանաչում են մշակույթով:

ID 49

Աջակցություն Հադրութի միջնակարգ դպրոցին

Հադրութի շրջանի կորուստը 2020 թվականի արցախյան պատերազմի ծանր հետևանքներից է։ Տեղահանվելով իրենց պատմական հողերից՝ հազարավոր հադրութեցիներ բնակություն են հասատել Արցախի և Հայաստանի տարբեր մարզերում։ Նրանք շարունակում են կրթվել, ստեղծել ու արարել՝ հավատարիմ մնալով իրենց արմատներին ու արժեքներին։ Հադրութի Մ․ Մանվելյանի անվան միջնակարգ դպրոցը, ունենալով տարիների փայլուն փորձ և ձեռքբերումներ ուսման բնագավառում, պատերազմից հետո իր գործունեությունը շարունակում է Ստեփանակերտում՝ Ա․ Գրիբոյեդովի անվան հ․ 3 միջնակարգ դպրոցում, երկրորդ հերթափոխով։ Դպրոցում սովորում են Հադրութի շրջանի տարբեր գյուղերից Ստեփանակերտում բնակություն հաստատած 254 աշակերտ։ Չկորցնելով հայրենասիրական և մարտական ոգին՝ դպրոցն ակտիվորեն մասնակցում է բոլոր ռազմահայրենասիրական և սպորտային միջոցառումներին։

ID 48

Աջակցություն Ճարտարի մարզամշակութային պալատին

2020 թվականի պատերազմից հետո Արցախի տարբեր շրջաններում աստիճանաբար վերականգնվում է մշակութային կյանքը, որի կազմակերպման գործում իր անփոխարինելի մասնակցությունն ունի «Ճարտարի Սևակ Ղուկասյանի անվան մարզամշակութային պալատ» ՊՈԱԿ-ը: Այն կառուցվել է 1961 թվականին, որի նախագծի հիմքում ընկած է Երևանի Օպերայի և բալետի ազգային ակադեմիական թատրոնի շենքը: Այժմ մարզամշակութային պալատը կրում է ճարտարցի ազատամարտիկ Սևակ Ղուկասյանի անունը:

ID 47

Աջակցություն Ստեփանակերտի հ․1 հիմնական դպրոցին

Գիտելիքը պոտենցիալ է, դրա օգտագործումը՝ հզոր ուժ։ Ուսուցիչների նվիրվածությունը և աշակերտների պատասխանատվությունն ու աշխատասիրությունը հիմք են հանդիսանում սերունդների լուսավոր ապագայի կառուցման գործում։ Ստեփանակերտի Խ․ Աբովյանի անվան հ․1 հիմնական դպրոցն ամեն տարի իր դռներն է բացում մեծաքանակ դպրոցականների առաջ, ովքեր տարվա ընթացքում փայլում են իրենց ձեռքբերած գիտելիքներով և կարգուկանոնով։ Այստեղ դպրոցականները սիրով ու եռանդով են բացահայտում գիտելիքի և իմաստության աշխարհը, իսկ շրջանավարտներն իրենց ուսումը շարունակում են բարձր ուսումնական հաստատություններում՝ լավագույնս իրենց դրսևորելով յուրաքանչյուր ոլորտում։

ID 43

Ֆինանսական աջակցություն Ստեփանակերտի կենտրոնական զինվորական հոսպիտալին

2021 թվականի դեկտեմբերի 10-ին «Բարձր տեխնոլոգիաների և ռազմավարական պլանավորման կենտրոն» հիմնադրամը նախաձեռնել է հեռուստամարաթոն՝ «Կանգնի՛ր Արցախի կողքին» խորագրով։ Հեռուստամարաթոնի ընթացքում հավաքագրված ֆինանսական միջոցներն ուղղվել են բիզնես և շահույթ չհետապնդող ծրարերի ֆինանսավորմանը, ինչպես նաև հաստատվել են գործարար կապեր տարբեր կազմակերպությունների հետ, որոնք պատրաստ են երկարաժամկետ համագործակցության։ Այդպիսի կազմակերպություններից է Ամերիկայի հայկական ազգային անվտանգության ինստիտուտը (ԱՀԱԱԻ), որի հիմնական նպատակներից է նպաստել Հայաստանի և Արցախի Հանրապետությունների ինքնիշխանությանը, անկախությանը և պաշտպանությանը։

ID 42

«Վերացող» նվագարաններ

Մշակութային ժառագությունն ու ստեղծագործական ներուժն էական դեր են խաղում յուրաքանչյուրիս կյանքում։ Նրանք խոսում են կյանքի որակի մասին, մարդկանց միջև ստեղծում ներդաշնակություն, միասնականություն և համերաշխություն։ Բազմադարյա պատմության շնորհիվ Արցախն ունի մշակութային հսկայական ներուժ: Այս ներուժը պահպանելու և զարգացնելու գործում իր ներդրումն է ցանկանում ունենալ Թադևոս Եդիգարյանը՝ Ստեփանակերտի Սայաթ-Նովայի անվան երաժշտական քոլեջի սան: Նա նաև դասավանդում է «Հադրութի արվեստի դպրոց» ՊՈԱԿ-ում, որն այժմ գործում է Ստեփանակերտ քաղաքում: Գործիքների սակավությունը խոչընդոտ է հանդիսանում աշակերտների պատշաճ ուսանման գործում, քանզի երաժշտական հմտությունները պահանջում են քրտնաջան և շարունակական աշխատանք: Եդիգարյանի համոզմամբ կովկասյան տարածաշրջանի ավանդական նվագարանները՝ թառը, քամանչան, հատուկ ուշադրության կարիք ունեն, քանզի մարում է նրանց գործածումը մերօրյա մշակույթում։ Այդ իսկ պատճառով, ունենալով աշակերտներ, ովքեր հետաքրքրված են նշված գործիքների տիրապետմամբ, նա ցանկանում է աջակիցների շնորհիվ նրանց հնարավորություն տալ շարունակել ուսուցումն անհատական գործիքներով։ Աջակցելով մշակույթին՝ նպաստում ենք հանրության ազգային արժեքների զարգացմանը և բարձրացնում հետաքրքրությունն ավանդական նվագարանների նկատմամբ, ինչպիսիք են քամանչան ու թառը, որոնք համարվում են «վերացող» գործիքներ։ Ծրագրի իրականացման համար անհրաժեշտ գումարն իր մեջ ներառում է հետևյալ ծախսերը՝

ID 41

Ջերմատնային տնտեսություն

Տվյալ ծրագրի նախաձեռնողը Նարինե Քոչարյանն է, ով 2020 թվականի սեպտեմբերի 27-ին Ադրբեջանի կողմից Արցախի Հանրապետության դեմ սանձազերծված պատերազմի պատճառով տեղահանվել է Շուշիից և այժմ բնակվում է քաղաք Ստեփանակերտում։

ID 40

Կարի արհեստանոց Ստեփանակերտ քաղաքում

Ծրագրի շահառուն Աստղիկ Պետրոսյանն է, ով ծնվել և բնակվում է ք․ Սեփանակերտում։ Մասնագիտությամբ տնտեսագետ է, սակայն դեռ ուսման տարիներից զբաղվում էր կար ու ձևով: Տվյալ ծրագրի նպատակն է ստեղծել կարի արհեստանոց հարազատ քաղաքում, որը հանդիսանում է վաղեմի երազանքի իրականացում։ Ցանկացած գործ, որն արվում է սիրով, միշտ հաջողվում է: Այդ իսկ պատճառով Աստղիկը որոշեց հիմնել սեփական արհեստանոց, որը երկարատև տեսլականում ունի բոլոր նախադրյալները վերածվելու ավելի խոշոր արտադրամասի: Այսպիսով հիմք է դրվում տեղական արտադրանքին, որն էլ իր հերթին կնպաստի տնտեսության զարգացմանը։ 2020 թվականի արցախյան պատերազմից հետո ավելին քան երբևէ ժամանակն է ասել ՈՉ թուրքական արտադրությանը և այն փոխարինել հայրենիքում կարվող հագուստով:

ID 39

Լողավազան Մարտակերտ քաղաքում

Ծրագրի շահառու Կարեն Անդրյանն իր ընտանիքի հետ բնակվում է հայրենի Մարտակերտ քաղաքում: Մասնակցելով արցախյան պատերազմներին՝ պատվով պաշպանել է իր ծննդավայրը և այն լքելու մտադրություն չունի: Ծրագրի շահառուն Մարտակերտում ունի սեփական տարածք՝ 0.12 հա մակերեսով, որտեղ առկա է լողավազան կիսակառույց վիճակում: